Биылғы түлектер Алматы қаласы №2 балалар үйін көгалдандыруға қатысты.

Бауыржан Момышұлы атындағы №131 мектеп-лицейінің 152 түлегі биыл мектеппен қимай қоштасты. Жас түлектер мерекелік салтанатты тек думанмен емес, ізгі амалмен есте қалдыруды жөн көрді.
Биылғы түлектер Алматы қаласы №2 балалар үйін көгалдандыру мақсатында даңғаза мен артық шығыннан бас тартып, қайырымдылық пен жауапкершілікті басты құндылық ретінде таңдады. Олар игі бастамаға үн қосып, қоршаған ортаға жанашырлық танытып, көгалдандыру жұмыстарына өз үлестерін қосты.
Әрбір отырғызылған көшет — туған мектепке деген алғыс пен болашаққа деген сенімнің белгісі. Бұл әрекет жас ұрпақтың тек білімді ғана емес, жүрегі мейірімге толы, қоғамға бейжай қарамайтын азамат болып қалыптасқанын көрсетеді.
Жақсылық жасау — үлкен өмірге бастар жолдағы ең ізгі қадамдардың бірі.