Мектебімізде прокуратура саласының ардагері Бердибекова Гульнара Әуелбековнамен тағылымды кездесу ұйымдастырылды.

Кездесу барысында оқушыларға құқықтық тәрбие беру, заңға құрметпен қарау және қоғам алдындағы жауапкершілік туралы маңызды ойлар айтылды.
Іс-шара аясында бүгінгі қоғамдағы өзекті мәселелердің бірі — нашақорлық, лудомания және буллинг тақырыптары кеңінен талқыланды. Оқушыларға есірткінің адам өміріне тигізетін зияны, құмар ойындардың психологиялық және әлеуметтік салдары, сондай-ақ буллингтің адам тағдырына әсері туралы терең түсіндірме жұмыстары жүргізілді.
Гульнара Әуелбековна өз тәжірибесімен бөлісіп, жастарды саналы өмір салтын ұстануға, заңды құрметтеуге және жаман әдеттерден аулақ болуға шақырды.
Осындай тәрбиелік мәні зор кездесулер жас ұрпақтың құқықтық сауаттылығын арттырып, болашаққа сенімді қадам жасауына ықпал етеді.