Денсаулық – ең үлкен байлық. Оны тек ауырғанда емес, күнделікті күтім арқылы сақтаймыз.  Бүгін өзіңізге бір сәт бөліңіз: таза ауада серуендеңіз, дұрыс тамақтаныңыз, жеткілікті ұйықтаңыз және ең бастысы – өзіңізді тыңдаңыз 💚  Деніңіз сау болса – бәріне мүмкіндік бар!  Өзіңізге және жақындарыңызға қамқор болыңыз 🤍

Іс-шара барысында оқушылар өз білімдері мен шығармашылықтарын көрсетіп, қызықты тәжірибелер, көріністер мен танымдық бөлімдер ұсынылды. Онкүндіктің ашылуы жоғары деңгейде өтіп, барша қатысушыларға ерекше әсер қалдырды. Алдағы күндері өтетін іс-шаралар одан да қызықты болатынына сенімдіміз! ✨

«Адал азамат» жоспары аясында ерекше форматтағы спорттық сайыс өтті 💪 Түрлі эстафеталық ойындарда ептілік, шапшаңдық және ұйымшылдықтарын көрсетті.  Сайыс өте қызықты әрі тартысты өтті. 🤝 Достық пен бірлік нығайды 🏆 Жеңімпаздар анықталып, марапатталды. Осындай іс-шаралар арқылы біз жас ұрпақты салауатты өмір салтына баулып, олардың бойында патриоттық рухты қалыптастырамыз 🇰🇿

131 мектеп-лицей ұжымы қалалық сенбілікке белсене атсалысып, қоршаған ортаны таза ұстауға өз үлестерін қосты. Мектеп ауласы мен айналасы тазартылып, абаттандыру жұмыстары жүргізілді. 🌱 Табиғатты аялау – әрбір азаматтың міндеті. Осындай игі шараларға қатысу арқылы оқушыларымыз жауапкершілік пен еңбексүйгіштіктің маңызын түсінді.

«Адал азамат» бағдарламасы аясында Медеу ауданының 90 жылдығына орай «БАБАЛАР АМАНАТЫ-АСЫЛ МҰРА, РУХАНИ ҚАЗЫНА» тақырыбында қазақ руханиятының жанашыры, жазушы-этнограф, ел анасы Зейнеп Ахметовамен тағылымды кездесу өтті. Қазақтың сан ғасырлық өнегелі тәрбиесін ел арасында насихаттап жүрген жазушы мектебіміздің ата-аналарымен кездесіп, ата мен келіннің, әке мен баланың, ұлт пен ұрпақ арасындағы берік ара-қатынас жайлы шығармалары мен естеліктері жайында әңгімелесті.